simpleng buhay ni diday

ika 13 ng Hunyo, 2009, 8:51 PM nareciv ko ang seryosong text message na ito ...

"it's one in one"...



seryoso diba?

pero after ng ilang spaces,

ayun ito pala kasunod..


" - Manny Pacquiao binigkas ang(H1N1)"!

Isang patok na text na naman ang naforward ko nung gabing iyon.
Kinabukasan nung nakita ko mga tinext ko, ayun ikinuwento saken mga naging reaksyon nila na parang kala mo ngkukuwento tungkol sa isang mahalagang bagay.

"tawang-tawa talaga ako,... pinabasa ko nga sa kapatid ko, ayun tawang-tawa rin", hirit ng isa sa mga G-ni-M(group message) ko.

Nakakatawa talaga yung mga ganitong mensahe na kala mo seryoso sa una, sa huli nakakatawa pala. Yan ang mga text na talagang nakakahuli ng tawa ng ilan sa atin. Pero sana nga matulad na lang ang h1n1 sa text - yung tipong sa una kala mo seryoso, yun pala sa huli nakakatawa lang. Sana hindi maging baliktad, na sa una kala mo biro lang, yun pala seryoso na.

February 20, 2009 , martes. Ito ang araw ng pagpunta namin sa aming client sa thesis. Ang aga kong gumising, pero tanghali na ako bumangon! Medyo malalate na kame ni ez(ezra john estrada) sa aming pinagusapang oras ng pagkikita ni laumie(laurie mae gucilatar) sa munisipyo ng montalban. pagdating namen sa terminal ng jeep na papuntang bukid o kasiglahan ay dumiretso na kami agad sa loob ng jeep sa pagmamadali. Sabi kasi nung barker aalis na raw at dalawa na lang yung kulang. Pero baket nung pagupo namen ni ez hindi pa agad umalis. Ang sinabi naman nung barker ngayon - "isa na lang aalis na". Inisip ko ako ba yung hindi marunong magbilang o yung barker? kanina dalawa na lang yung kulang ngayon isa na lang! Siguro ang paraan ng pagbilang niya sa pasahero ay by PAIR!. Pero hindi bale na rin dahil hindi naman gaanong kasikipan nung dumating na yung isang kulang kasi hindi naman umupo sa bahagi ng inuupan ko eh!.

Nag-umpisa ng lumarga. Kakaiba itong jeep na ito sa mga ordinaryong jeep na nasasakyan ko. Kasi ramdam ko na may bahid pa ng - kulturang probinsya. kung ilalarawan ko kasi yung itsura nung jeep - medyo malaki siya at mabigat kumpara sa mga nakakasilaw na stainless jeep na talamak na bumibiyahe sa mga highway. Yung jeep rin na ito ay mayroong "hila mo, hinto ko or in english pull the string to make para" style. Yung mayroong tali na nakakabit ata sa preno ng jeep na naka extend hanggang sa dulo ng jeep. eto yung isa sa mga bagay ng pagpapakia ng kakaibang katalinuhan ng pinoy! Biruin mo kasi paghinila mo yung tali, biglang magkakaroon ng kakaibang senyas kay manong driver para bigla siyang huminto?! Galing tlaga!

Isa pa sa mga kakaibang napansin ko sa jeep na ito ay may Konduktor! hindi katulad sa mga jeep na sinasakyan ko na ang tagakuha ng pamasahe ay nakaupo rin sa harap, katabi ni manong driver. Isa ito sa mga masasabi ko na magandang gayahin ng mga jeep sa manila! Kasi maganda rin tong paraan para masiguradong walang mag 1-2-3! Kasi biruin mo ba naman kahit natutulog gigisingin para hingan ng bayad eh! walang takas talaga! At saka hindi mo magagawa ang style na "sabit tapos biglang baba" kasi si manong konduktor ay nakasabit na kaya wala talagang takas! - Wais gyud!

Pansin ko lang sa mahabang lakbayin namen ni ez ngayong araw ay mukhang parang mas medyo humahaba ata. Kasi imbis na mula sa commonwealth market ay dapat tatakbo lang ng konti at iikot na sa may malapit na pwedeng mag-u-turn tapos didiretso na ng litex na tatagos sa montalban. Pero ngayon pansin ko, bakit parang nasa ever na kami, hindi pa rin nag-uu-Turn si manong? iniisip ko na nga at ngmaraming pasahero na mukhang may balak pa ata si manong na umikot sa Philcoa ah?!! Ang layo na nun! sabi nung isang pasahero na medyo natatawa pa -"Ano to? Field trip?". Sa wakas may nagvoice out rin ng hinaing niya! Kanina pa ko naghihintay na may magrereact eh, at sa wakas noong pag-abot namen ng tandangsora may nagsalita rin - si manong! banat niya - "san ba talaga tayo dadaan?" Hay mga pilipino talaga ayaw ng confrontation. Hihintayin pang mapalayo bago magreact?! Pinoy nga ako kasi di rin ako nagreact vocally eh, puro react namen kasi ni ez pabiro eh.

Nabasag na rin ang pagtatalo talo nung nagsalita na rin si Manong Kundoktor sabi niya - "Hindi kasi naka -uniform yung driver!"
Now I know na! Kaya pala kami napalayo ng ganito kasi si Manong hindi nakaUNiform! WhHaaaaaaaaaT! Nalate kami ng isang oras dahil hindi nakauniform si Manong! Para sa amin napaka liit na bagay lang yun at marahil sa ibang pasahero na madaling madali na rin. napasabi pa nga si ate na nakaupo sa katapat ko ng "bakit kelangan pati yung mga pasahero ay maSacrifice?" although medyo parang mali yung grammar pero parang ganun din yunng tinutumbok ni ate.

Tanong ko ngayon sa sarili ko? Sino ang dapat sisihin? (michael v.? ako ba ito?)
Si manong ba o yung mga nagpapatupad ng batas? Napakalaking ground ba yung hindi pagsuot ng uniporme para mahuli at maissuehan ng ticket? O pwede rin namang si manong ay talagang hindi masunurin na ultimo pagsusuot lang ng uniform hindi nya nagaawa?

Ngayon ko natanto na meron din palang war sa kalsada? at ito ay sa pagitan ng mga Driver at ng mga Pulis/LTO. Ang tanong sino ang bida at kontrabida?


Hindi ko rin alam ang sagot eh, basta ang alam ko si manong driver pinaglaban ang lisensya niya kahit madamay pa ang pasahero niya. Siguro para sa kanya isang malaking kawalan ang maissuehan ng ticket o mahuli at natake niya lahat ng pang-aasar ng mga pasahero niya.

Ang mga sumusunod na pahayag ay naisulat pa noong February 20, 2009

Sa panahon ngayon uso na ang may part 2. karamihan halos ng napanood ko na may part 1 ay may part 2. minsan nga hanggang part 3 pa eh. Madalas pati sa concert uso din ang may part 2. Pero para hindi masyadong obvious ang ginagawa nilang title ay mga - 'the return of the comeback'. o kaya yung ending nung title lageng dinudugtungan ng - .."the repeat". Pagdating naman sa mga gadgets and softwares nauuso na rin yang mga may part 2. Pero medyo iniiba nila ang term- ginagawa nilang version! Biruin mo yun? yung yahoo messenger mo na version 8.0.1.2 (imbento ko lang!) bukas makalawa may version 9.0.0.1! hai!. yung PSP mayroon ng ps3, tpos bka bukas may ps4 na! Ganun kabilis magupgrade pagdating sa technology! yun ngang AUTOCAD eh. Ayon sa aking source - itago naten siya sa pangalang Rodge Ramirez, ay mayroon ng version na pang 2010! Wow super advance! Tao talaga no? Hindi nakokontento! Man is never satisfied. Kaya noong nasa Software Engineering course ako, ang sabi ng aking prof ay -"you should develop a software that is flexible...kasi customers are never satisfied!"

Siguro nagtataka kayo kung baket puro ganito ang introduction ko? Kasi nakita ko rin at napatunayan ko sa sarili na ganun nga. Biruin mo ba naman kahit itong simpleng topic sa blog ko gagawan ko pa ng part 2! hahahaha. Pero hindi naman sa hindi lang ako kuntento - Ako lang ay marami pa kasing naexperience sa jeep na gusto kong maishare naman sa madlang people! - (hindi nga kuntento)

Pero sometimes kasi we mistaken - satisfaction with contentment right? for me they magkaiba yun. Kasi sometimes we are content even though we are not satisfied. magulo ba? Halimbawa, binibigyan ako ng baon arawaraw ng P5.00. masyadong maliit sa isang college student di ba? pero masasabi kong kuntento na ko dun ngunit hindi ako satisfied. aha? hindi ko din maipaliwanag ng maayos eh. Pero sa tingin ko marami sa inyo ang kayang ipaliwanag yan. kaya Please dont hesistate to paste your Comment here or vote sa aking Simpleng Poll na - "Do you believe that the meaning of Satisfaction is different from Contentment?"

Isa sa mga maituturing nating orihinal na bahagi ng kulturang Pipino ay buhay jeepney. Kanina sa aking pag-uwi galing sa school, medyo naging interesado lang ako sa ano bang isang tipikal na nangyayari sa jeep naten sa panahon ngayon.

Ang jeep na nasakyan ko ay masasabi kong simple lang. Walang mp3, o cd player at speakers na isa na tumutunog ng "duzdugz" na kahit ilang tapal ng simento ang dingding ng bahay mo ay maririnig mo pa rin. Simple lang din ang ilaw, walang blacklight at disco lights na nakakapagpasakit ng ulo ng mga pasahero. Wala ding gaanong stickers ng "hudas not pay" o "no id no discount". Simple lang din ang style ni manong kasi wala siyang taripa. Siguro itinago nya o hindi pa siya nakakabili.

Dumako naman tayo kay manong driver. Si manong ay isang driver na hindi na kabataan, kasi base sa mga puti ng buhok niya hindi na siya mapagkakamalang nagpahighlight eh. Masasabi kong simple din siya kung titingnan sa get-up niya. Medyo may pagkamainitin lang nga ang ulo kasi kapag medyo alanganin ang binabayad na pamasahe medyo tumataas ang boses niya.

Luminga-linga ako sa mga pasahero, kunwari tumitingin tingin lang sa nadadaanan. Pansin ko lang walang masyadong makuwento ngun sa nasakyan ko. Tahimik ang lahat. Mayroong natutulog na magkaholding hands na mag-asawa, mayroong dalawang babaeng magkakilala pero dahil nakaupo sila sa maluwag na bahagi ng upuan ng jeep.

upong pa side ang style nila at nakatingin lang sa labas kala mo nagfifield trip. Mayroon namang isang mukhang galing sa trababho na busy sa pagttext. At mayroong biglang nagbayad. Sabi niya "almar lang po, studyante kasasakay lang". Napaisip ako bigla, bakit sa panahon ngayon lalo na kung estudyante at senior citizen ka karaniwang ang haba ng dialogue mo pagnagbabayad? Minsan iba iba pa ng style ng pagkakasabi pero pareparehas lang naman din ng nilalaman. Siguro kaya ganon ay para maiwasan ang pagsusukli ng walang discount. Minsan kasi kahit obvious na estudyante o senior na senior na hindi pa din binibigyan ng discount.


Inabot lang ako ng tatlumpong minuto bago dumating sa destination ko. Mabilis na rin ang biyahe ngyon kasi kung may traffic cguro isang oras o higt pa aabutin ko. Sa pagalala ko kontti lang ang narinig kong nag "PARA" kasi karamihan bumaba na sa pinakabababaan nung jeep. Napaisip na naman ako, bket kaya ang paraan para sabihin nateng baba na tayo o nais nateng phintuin ung jeep ay sa pag sabi ng "PARA"?
Gusto kong iresearch yun eh, kasu siguro sa sususnod na blog ko na ilalagay. Sa ngayon nais ko munang maging misteryo sa akin sa iba sa atin na hindi rin alam kung ano ang ibig sabihin nun.

Sa pagbaba ko ng jeep ni manong tiningnan ko kung ano ang plate number niya para sana maisama ko din sa blog ko kahit yung number nya na lang kasi hindi ko nakuha pangalan niya eh. Kasu hinanap ko, wala! Pde ba un? siguro nasa harapan. pero bilibn din ako kay manong ha, wais agen.